এমবেছী আৰু কনছুলেটৰ মাজত পাৰ্থক্য

-
Embassy বা এমবেছীৰ অসমীয়া প্ৰতিশব্দ হল দূতাবাস।
Consulate বা কনছুলেটৰ অসমীয়া প্ৰতিশব্দ হল বাণিজ্য দূতাবাস।
এমবেছী হৈছে স্থায়ী কূটনৈতিক কেন্দ্ৰ। ইয়াৰ প্ৰতিনিধিত্ব ব্যাপক।
কনছুলেট হৈছে স্বল্প পৰিসৰৰ প্ৰতিনিধিত্ব। ইয়াক কনিষ্ঠ দূতাবাস বুলিও কব পাৰি।
এখন দেশৰ অন্য এখন দেশত মাত্ৰ এটি এমবেছী বা দূতাবাস থাকে। 
এখন দেশৰ অন্য এখন দেশত একাধিক কনছুলেট বা বাণিজ্য দূতাবাস থাকিব পাৰে।
দূতাবাসবোৰ সাধাৰণতে ৰাজধানী চহৰবোৰত স্থাপন কৰা হয়।
বাণিজ্য দূতাবাসবোৰ ডাঙৰ তথা বাণিজ্যিকভাৱে গুৰুত্বপূৰ্ণ চহৰবোৰত স্থাপন কৰা হয়।
দূতাবাসৰ মূল ব্যক্তিজনক ৰাষ্ট্ৰদূত বা Ambassador বুলি কোৱা হয়।
বাণিজ্য দূতাবাসৰ মূল ব্যক্তিজনক বাণিজ্যদূত বা Consul বুলি কোৱা হয়।
ৰাষ্ট্ৰদূত সকলে বিদেশত ব্যাপক ভূমিকা পালন কৰিব লাগে। তেওঁলোক বিদেশত নিজদেশৰ চৰকাৰৰ মুখপাত্ৰ।
বাণিজ্যদূত সকলৰ ভূমিকা তুলনামূলক ভাবে কম।
দূতাবাসে মূলত বিদেশী ৰাষ্ট্ৰখনৰ লগত থকা ৰাজনৈতিক আৰু কূটনৈতিক দিশবোৰ চোৱাচিতা কৰে। ইয়াৰোপৰি সেই ৰাষ্ট্ৰখনত বসবাস কৰা স্বদেশী নাগৰিকৰ কল্যাণৰ দিশটোও চোৱাচিতা কৰে।
বাণিজ্যিক দূতাবাসে প্ৰধানত সেই দেশৰ লগত থকা বাণিজ্যিক আৰু অৰ্থনৈতিক দিশবোৰ চোৱাচিতা কৰে। ইয়াৰোপৰি ভিছা, পাছপোৰ্ট, পৰ্যটন আদিৰ লগত জড়িত বিষয়বোৰো সামৰি লয়।
দূতাবাসে গুৰু কূটনৈতিক বিষয়বোৰ সম্পাদন কৰে।
বাণিজ্য দূতাবাসে লঘু কূটনৈতিক বিষয়বোৰ সম্পাদন কৰে।
দূতাবাসে নিজ দেশৰ চৰকাৰ আৰু বিদেশী ৰাষ্ট্ৰখনৰ চৰকাৰৰ মাজত বাৰ্তা আদান প্ৰদান কৰে।
বাণিজ্য দূতাবাস বিদেশী ৰাষ্ট্ৰখনত ভ্ৰমণ বা বসবাস কৰি থকা নিজ দেশৰ নাগৰিক সকলৰ প্ৰতিহে দায়বদ্ধ।
দূতাবাসে ইয়াৰ চৰকাৰখনক বিদেশী ৰাষ্ট্ৰখনত সংঘটিত হৈ থকা সকলো গুৰুত্বপূৰ্ণ ৰাজনৈতিক, সামাজিক, অর্থনৈতিক, সামৰিক আদি ঘটনাৰাজি সম্বন্ধে অৱগত কৰে।
বাণিজ্য দূতাবাসে গুৰুত্বপূৰ্ণ মৃত্যু, জন্ম, বিবাহ আদি বিষয়বোৰ অৱগত কৰে।
দূতাবাসবোৰ চুক্তি, সন্ধি, চৰকাৰী ভ্ৰমণসূচী আদি তৈয়াৰ কৰাত দায়বদ্ধ।
বাণিজ্য দূতাবাসবোৰ সেই দেশত অবস্থান কৰি থকা ইয়াৰ নাগৰিক সকলক সকলো নিৰাপত্তা সম্বন্ধীয় বিষয়বোৰ অৱগত কৰাবলৈ দায়বদ্ধ।
সাদৃশ্য
দূতাবাস আৰু বাণিজ্য দূতাবাসে বিদেশী ৰাষ্ট্ৰত নিজ দেশৰ চৰকাৰক প্ৰতিনিধিত্ব কৰে।
উভয়ে বিদেশী ৰাষ্ট্ৰখনত থকা নিজ দেশৰ নাগৰিকৰ কল্যাণৰ অৰ্থে কাম কৰে।
উভয়ে কূটনৈতিক ক্ষেত্ৰত গুৰুত্বপূৰ্ণ ভূমিকা পালন কৰে।

Comments

Post a Comment

Popular posts from this blog

কেনেকৈ গঠন কৰা হয় আঞ্চলিক  পঞ্চায়ত 

-
Image
          আঞ্চলিক পঞ্চায়ত হৈছে তিনিখলপীয়া পঞ্চায়তীৰাজ ব্যৱস্থাৰ মধ্যৱৰ্তী স্থানত থকা গোট। একো একোটা উন্নয়ন খণ্ডক লৈ একো একোখন আঞ্চলিক পঞ্চায়ত গঠন কৰা হয়। এখন আঞ্চলিক পঞ্চায়তৰ অধীনত বহু কেইখন গাওঁ পঞ্চায়ত থাকে। দেশৰ 73 তম সংবিধান সংশোধনী অনুযায়ী 1994 চনত গ্ৰহণ কৰা 'অসম পঞ্চায়ত আইন'ত আঞ্চলিক পঞ্চায়ত গঠনৰ বিধি সন্নিবিষ্ট কৰা হৈছে।            এখন আঞ্চলিক পঞ্চায়ত মূলতঃ তিনি প্ৰকাৰৰ সদস্যৰে গঠন কৰা হয়।            প্ৰথমতে, আঞ্চলিক পঞ্চায়তৰ অধীনত থকা প্ৰতিটো গাওঁ পঞ্চায়তক একো একোটা সমষ্টি হিচাপে ধৰি লোৱা হয়। সেই অনুসৰি ভোটাৰ সকলে প্ৰতিটো গাওঁ পঞ্চায়তৰ পৰা এগৰাকী ব্যক্তিক আঞ্চলিক পঞ্চায়তৰ সদস্য হিচাপে প্ৰত্যক্ষ ভোটৰ জৰিয়তে নিৰ্বাচিত কৰে।            দ্বিতীয়তে, আঞ্চলিক পঞ্চায়তৰ অন্তৰ্গত গাওঁ পঞ্চায়তবোৰৰ সভাপতি সকল আঞ্চলিক পঞ্চায়তৰ সদস্য হয়।            তৃতীয়তে, আঞ্চলিক পঞ্চায়ত এলেকাক প্ৰতিনিধিত্ব কৰা লোকসভা আৰু বিধান সভাৰ ...
Read more

কেনেকৈ গঠন কৰা হয় জিলা পৰিষদ?

-
Image
"অসম পঞ্চায়ত আইন 1994" অনুযায়ী জিলা পৰিষদ গঠনৰ ব্যৱস্থা কৰা হৈছে। জিলা পৰিষদ হৈছে তিনিখলপীয়া পঞ্চায়ত ব্যৱস্থাৰ সৰ্বোচ্চ স্তৰত থকা গোট। একো একোখন জিলাক সামৰি লৈ একো একোটা জিলা পৰিষদ গঠন কৰা হয়। 1994 চনৰ আগত এই গোটবোৰ একো একোখন মহকুমাক ভিত্তি কৰি গঠন কৰা হৈছিল।           বিভিন্ন প্ৰকাৰৰ সদস্যৰে একোখন জিলা পৰিষদ গঠন কৰা হয়। এই সদস্য সকলৰ মাজত প্ৰত্যক্ষভাৱে আৰু পৰোক্ষভাৱে নিৰ্বাচিত সদস্য থকাৰ উপৰিও মনোনীত সদস্যও থাকিব পাৰে। তলত উল্লেখ কৰা ধৰণে জিলা পৰিষদ গঠন কৰা হয়।           1. একোখন জিলাক কিছুমান সমষ্টিত ভাগ কৰা হয়। এই সমষ্টিবোৰৰ ভোটাৰৰ সংখ্যা হব লাগে কমেও চল্লিছ হাজাৰ জনকৈ। এই সমষ্টিবোৰৰ পৰা ৰাইজে এজনকৈ প্ৰতিনিধি প্ৰত্যক্ষ ভোটৰ জৰিয়তে নিৰ্বাচিত কৰে।            2. জিলাখনৰ ভিতৰত থকা আঞ্চলিক পঞ্চায়তবোৰৰ সভাপতিসকল জিলা পৰিষদৰ সদস্য হয়।            3. গোটেই জিলা বা ইয়াৰ কোনো অংশক প্ৰতিনিধিত্ব কৰা লোকসভা আৰু ৰাজ্যিক বিধান সভাৰ সদস্য সকল জিলা পৰিষদৰ সদস্য হয়।    ...
Read more

পঞ্চায়তৰ বিভিন্ন পদৰ প্ৰাৰ্থীৰ যোগ্যতা আৰু শিক্ষাগত অৰ্হতাসমূহ

-
Image
          2018 চনৰ পঞ্চায়ত নিৰ্বাচনখন অসমৰ নিৰ্বাচনী ইতিহাসত এক মাইলৰ খুটি হিচাপে চিহ্নিত হৈ ৰ'ব। এইবাৰৰ নিৰ্বাচনত পোন প্ৰথমবাৰৰ বাবে প্ৰাৰ্থী সকলৰ কাৰণে কিছুমান যোগ্যতা আৰু অৰ্হতা নিৰ্ধাৰণ কৰি দিয়া হৈছে। অসম বিধান সভাত গৃহীত হোৱা সংশোধিত পঞ্চায়ত আইনত এই যোগ্যতা আৰু অৰ্হতা সমূহ সন্নিবিষ্ট কৰা হৈছে। কোনো এগৰাকী প্ৰাৰ্থীয়ে পঞ্চায়ত নিৰ্বাচনত প্ৰতিদ্বন্দিতা কৰিবলৈ হলে এই নতুনকৈ প্ৰৱৰ্তন কৰা মাপকাঠিত উত্তীৰ্ণ হব লাগিব।           এইবাৰৰ পঞ্চায়ত নিৰ্বাচনত প্ৰতিদ্বন্দিতা কৰিবলৈ হলে বিভিন্ন পদৰ প্ৰাৰ্থীৰ বিভিন্ন স্তৰৰ শিক্ষাগত অৰ্হতাৰ প্ৰয়োজন হব। সেই অনুসৰি গাওঁ পঞ্চায়তৰ সদস্য এগৰাকী কমেও ষষ্ঠ শ্ৰেণীত উত্তীৰ্ণ হোৱা হব লাগিব। আনহাতে যদি তেওঁ অনুসূচীত জাতি বা অনুসূচীত জনজাতি অথবা অন্যান্য পিছপৰা শ্ৰেণী বা অধিক অন্যান্য পিছপৰা শ্ৰেণীৰ প্ৰাৰ্থী হয় তেনেহলে তেওঁৰ ক্ষেত্ৰত শিক্ষাগত অৰ্হতাৰ প্ৰয়োজন নহব।           তেনেদৰে গাওঁ পঞ্চায়তৰ সভাপতি আৰু আঞ্চলিক পঞ্চা...
Read more

কেনেকৈ গঠন কৰা হয় গাওঁ পঞ্চায়ত?

-
Image
          গাওঁ পঞ্চায়তবোৰ হৈছে ভাৰতবৰ্ষৰ প্ৰতিনিধিত্বমূলক ৰাজনৈতিক ব্যৱস্থাৰ সকলোতকৈ ক্ষুদ্ৰতম আৰু তৃণমূল পৰ্যায়ৰ গোট। ইয়াৰ জৰিয়তে সমাজৰ অতি সাধাৰণ শ্ৰেণীৰ লোকসকলেও চৰকাৰৰ কাম কাজৰ সৈতে ওতঃপ্ৰোত ভাৱে জড়িত হব পাৰে। লগতে তেওঁলোকে নিৰ্বাচিত প্ৰতিনিধিৰ সৈতে অনায়াসে সম্পৰ্ক ৰক্ষা কৰি চলিব পাৰে।            গাওঁ পঞ্চায়ত এখন গঠন কৰা হয় একোখন বৃহৎ গাওঁ নাইবা ওচৰা উচৰিকৈ থকা একাধিক সৰু গাঁওক সামৰি লৈ। গাওঁ পঞ্চায়ত গঠন কৰোঁতে লক্ষ্য ৰাখিব লাগে যাতে ইয়াৰ জনসংখ্যা ছয় হাজাৰতকৈ কম বা দহ হাজাৰতকৈ অধিক নহয়। এনেদৰে নিৰ্ধাৰণ কৰা অঞ্চল এখনক দহটা সমষ্টিত ভাগ কৰা হয়। এই সমষ্টিবোৰক ৱাৰ্ড বুলি জনা যায়।            গাওঁ পঞ্চায়তৰ অন্তৰ্গত প্ৰতিখন ৱাৰ্ডৰ ভোটাৰ সকলে নিজ নিজ ৱাৰ্ডৰ পৰা এগৰাকীকৈ সদস্য নিৰ্বাচিত কৰে। ইয়াৰোপৰি পঞ্চায়তৰ সভাপতি গৰাকীকো তেওঁলোকে প্ৰত্যক্ষ ভোটৰ জৰিয়তে নিৰ্বাচিত কৰে। আনহাতে পঞ্চায়তৰ এগৰাকী উপ সভাপতি থাকে, যি জনক পৰোক্ষভাৱে নিৰ্বাচিত কৰা হয়। পঞ্চায়ত নিৰ্বাচন হৈ যোৱাৰ পিছত জিলাৰ উপায...
Read more

পঞ্চায়ত ব্যৱস্থাৰ গাঁথনি

-
Image
          73 তম সংবিধান সংশোধনীৰ জৰিয়তে গোটেই ভাৰতবৰ্ষতে এককধৰ্মী পঞ্চায়ত ব্যৱস্থাৰ প্ৰচলন কৰা হয়। সেই অনুসৰি এই স্থানীয় চৰকাৰ ব্যৱস্থাটো তিনিটা খলপৰ মাধ্যমেৰে গঠন কৰা হয়। ইয়াৰ একেবাৰে নিম্ন স্তৰত থাকে গাওঁ পঞ্চায়ত, মধ্য স্থানত থাকে আঞ্চলিক পঞ্চায়ত আৰু সৰ্বোচ্চ স্থানত থাকে জিলা পৰিষদ।           গাওঁ পঞ্চায়ত গঠন কৰা হয় দহ গৰাকী সদস্য আৰু এগৰাকী সভাপতিৰ দ্বাৰা। এই সদস্য সকল আৰু সভাপতি গৰাকী প্ৰত্যক্ষ ভোটৰ জৰিয়তে নিৰ্বাচিত হয়। আনহাতে গাওঁ পঞ্চায়তৰ এজন উপ সভাপতি থাকে, যি জনক দহ গৰাকী সদস্যৰ মাজৰ পৰা নিৰ্বাচিত কৰা হয়।           আঞ্চলিক পঞ্চায়ত গঠন কৰা হয় গাওঁ পঞ্চায়ত সমূহৰ পৰা নিৰ্বাচিত হৈ অহা সদস্য সকল আৰু গাঁও পঞ্চায়ত সমূহৰ সভাপতি সকলৰ জৰিয়তে। সেই অনুসৰি প্ৰতিটো গাওঁ পঞ্চায়তৰ পৰা এজনকৈ সদস্যক প্ৰত্যক্ষ ভোটৰ জৰিয়তে নিৰ্বাচিত কৰা হয়। ইয়াৰোপৰি স্থানীয় সাংসদ আৰু বিধায়কো আঞ্চলিক পঞ্চায়তৰ সদস্য হয়। আঞ্চলিক পঞ্চায়তৰ এজন সভাপতি আৰু এজন উপ সভাপতি থাকে। এওঁলোকক প্ৰত্যক্ষভাৱে নিৰ্বাচিত হোৱা সদস্...
Read more